Contoh Pasrah Pengantin Bahasa Jawa

Assalamu’alaikum Wr. Wb. Panjenenganipun para pepundhen, para sesepuh, para pinisepuh

Ingkang hanggung mastuti dhumateng pepoyaning kautaman, ingkang pantes pinundhi saha kinabekten, punapa dene panjenenganipun para tamu kakung sumawana putri ingkang dhahat kalingga murdaning akrami.

Kanthi pepayung budi rahayu saha hangunjukaken raos suka syukur dhumateng Gusti, “Mugi Rahayuha Sagung Dumadi”, tansah kajiwa lan kasalira dhumateng panjenengan sadaya hangluberana dhumateng kawula.

Amit pasang aliman tabik, mugi tinebihna ing iladuni myang tulak sarik, dene kawula cumanthaka marak mangarsa hanggempil kamardikan panjenengan ingkang katemben wawan pangandikan, inggih awratipun hamestuti jejibahan luhur kula piniji minangka dhuta saraya sulih sarira saking panjenenganipun Bp. …………….. (nama orang tua calon pengantin pria) sekaliyan.

Panjenenganipun Bp. …………… (nama orang tua calon pengantin putri) sekaliyan garwa (ingkang mengku gati) ingkang pantes katuran sagunging pakurmatan, kula pinangka sulih sarira saking panjenenganipun Bp. …………… (nama orang tua calon pengantin pria) sekaliyan, ingkang sepisan: ngaturaken salam taklim mugi katur wonten ngarsa panjenengan, sumarambah para kulawarga samudayanipun.

Jangkep kaping kalih: ing nguni sampun wonten pirembagan, ing antawisipun BP. ………… (nama orang tua calon pengantin pria) sekaliyan, hanggadhahi putra kakung kekasih pun Bg. (nama calon pengantin pria) kaliyan Bp. ………… (nama orang tua calon pengantin putri) sekaliyan garwa (ingkang mengku gati) hanggadhahi kenya siwi sesilih Rr. ……………… (nama calon pengantin putri)

Gumolonging pirembagan nedya hangraketaken balung pisah daging arenggang, bebasan ngebun-ebun enjang anjejawah sonten, ndhodhok latar ndhodhog lawang sumedya nginang jambe suruhe, kanthi atur makaten karana sampun jumbuh anggenipun pepetangan, saha sampun manunggal cipta, rasa, miwah karsa, ingkang punika saking agenging manah panjenenganipun Bp. ……………. (nama orang tua calon pengantin pria) sekaliyan, anggenipun katampi panglamaripun pramila ing kalenggahan punika, ngaturaken sarana miwah upakarti pinangka jangkeping tatacara salaki rabi.

Wondene ingkang badhe kaaturaken wonten ngarsanipun Bp……………….. (nama orang tua calon pengantin putri) sekaliyan garwa inggih punika:

Sanggan saha majemuk ingkang sampun wonten wujudipun, kanthi pangajabing sedya dadosa sarana sahipun sesanggeman miwah raketing kekadangan, saengga mboten saged pisah salamilaminipun.

Kasoking katresnan Bp. ………………………(nama orang tua calon pengantin pria) sekaliyan dhumateng Bp. ………………………(nama orang tua calon pengantin putri) sekaliyan garwa, ing mriki badhe ngaturaken malih ageman ingkang awujud ………………………, ing pangajab pinangka agemanipun badhe/calon penganten putri.

Mboten kekilapan Bp. ……………………… (nama orang tua calon pengantin pria) sekaliyan ngaturaken redana wujudipun arta, kenginga damel ngentheng-enthengi anggenipun Bp ……………………… (nama orang tua calon pengantin putri) sekalihyan garwa (ingkang mengku gati) netepi darmaning sepuh hamiwaha putra mahargya siwi.

Kajawi punika, panyuwunipun Bp. ……………………… (nama orang tua calon pengantin pria) sekaliyan, ing benjang menawi sampun dumugi titiwanci tumapaking gati, mugi calon penganten kaijabna saha kapanggihna anut satataning agamimiwah adat widhiwidana ingkang sampun lumampah wonten ing mriki.

Minangka pungkasaning atur, hambok bilih Bp. ……………………… (nama orang tua calon pengantin pria) sekaliyan anggenipun ngaturaken sarana dalah upakarti wonten kekiranganipun, mawantu-wantu nyuwun agenging samodra pangaksami.

Semanten ugi kula minangka sulih sarira saking panjenenganipun. BP ………………….. (nama orang tua calon pengantin pria) sekaliyan, menawi wonten gonyak-ganyuking wicara miwah kiranging suba sita ingkang singlar ing reh tata krami, kawula nyuwun sihing samodra pangaksami.

Akhirul kalam, billahi taufik wal hidayah. Wassalaamu’alaikum Wr. Wb.

Contoh Panoto adicoro bahasa jawa

 Assalamualaikum warahmatullahi wabarakatuh.

بسم الله الحمد لله والصلاة والسلام على رسول الله سيدنا ومولانا محمد بن عبد الله اما بعده لا حول ولا قوه الا بالله

@ Dumateng poro alim ulama ingkang tansah Kawulo dereki dawuh-dawuh ipon.

@ Dumateng poro sesepuh pinisepuh ingkang kawulo hormati 

@ Dumateng poro panembating Projo ingkang tansah kawulo  hormati 

@ Dumateng poro tamu undangan ingkang tansah kinormatan

Monggo ing wekdal ingkang sahe puniko,Kito tansah ngatur aken raos syukur kito dumateng Allah SWT,ingkang sampun paring pinten-pinten kenikmatan dumateng kito sedoyo,arupi nikmat Iman, nikmat Islam lan ugi nikmat kesehatan, bi qoulina Alhamdulillahirobbil 'alamin. Sahinggo kito sedoyo saget angrawuhi dakwah undangan saking keluarga ..............Kanti kawontenan rahayu wilujeng lir sambikolo. amiin yaa robbal 'alamin.

Kaping kalihipon,sholawat soho salam mugiyo tansah kito aturaken dumateng junjungan kito Nabiyullah Muhammad Saw.biqoulina allahumma sholli 'ala sayyidina muhammad wa 'ala ali sayyidina muhammad,Ingkang tansah kito ajeng-ajeng syafaat ipon menjang wonten ing dinten kiyamat.

Kaping tigonipon kawulo ing ngriki minongko sesulih saking Sohibul Hajjah,ngatur aken matur suwon sanget atas karawuhan panjenengan sedoyo dene  menopo sampon saget hadir angrawuhi dakwah undangan ipon Bpk.......Wonten acara walimatul khitan meniko,lan sohibulbhajjah mboten saget mbales punopo-punopo,hanamung saget ngatur aken jazakumullohu khoriron katsiiro.

Lan ugi mugi-mugi atas karawuhan panjenengan sedoyo wonten dalem meniko mbekto pinten-pinten barokah, pinten-pinten Rohmad saking Allah SWT. lan ugi ndados aken amal sholih panjenengan sedoyo. amiin yaa robbal 'alamin.

Selajeng ipun Sohibul Hajjah lumantaran kawulo,mbok menawi angen ipon paring pahurmatan dumateng panjenengan sedoyo mulai awal hinggo paripurnaning acara Walimatul khitan mengke, mbok menawi anggen ipon paring pahurmatan,suguh,gupuh,lungguh wonten tumindak ingkang mboten nuju prono dumateng penggalih panjenengan sedoyo,Sohibul Hajjah ....namung saget nyuwon pangapunten sak katah katahipon.

Poro rawuh ingkang minulyo,wondene runtuting adicoro ingkang bade kalampah inggih puniko :

Sepindah pambuko.

Kaping kalihipon waosan ayat-ayat suci Al-Qur'an.

Kaping tigonipon inggih puniko mauidhoh khasanah 

Kaping sekawan inggih puniko Do'a

Katutup kaliyan acara ingkang pungkasan inggih puniko ramah tamah

Poro rawuh ingkang minulyo,Monggo acoro meniko Kito buko Kanti waosan surotul Fatihah,Mugi-mugi acaro ingkang bade kalampah mangke tansah pinaringan lancar mboten wonten alangan puncak-puncak,

 على  هذه النيه وعلى كل نيه صالحه الفاتحه

('Ala hadzihinniyah wa'ala kulli niyatin shoolihah,Alfaatihah)

Matursuwon,

Lumebet adicoro ingkang kaping kalih inggih puniko Wahosan ayat-ayat suci Al-Qur'an, Dumateng Al-Ustadz .........,......wekdal Soho panggenan Kawulo aturaken.

Shadaqallahul adzim shadaqallahul adzim shadaqallahul adzim, matur suwun kawulo aturaken dimadang Al ustadz.......mugi-mugi kanti wawasan Al-Qur'an kolowahu mbarokahi dumateng ingkang mahos, khusus ipon kagem anak........lumebero dumateng kito sedoyo ingkang hadir.

Lumebet adicoro ingkang kaping tigo inggih puniko mauidhoh khasanah ingkang bade kaaturaken dumateng panjenengan ipon Bpk.KH Syamsudin.

Sakdereng ipon acoro mauidhoh khasanah kawiwitan,Monggo rerampatan ingkang sampun cumawis wonten ngajeng panjenengan Monggo dipon rahapi.

Dumateng panjenengan ipon Bpk.KH Syamsudin,wekdal Soho Sasono palenggahan Kawulo aturaken.

Matur suwon kawulo aturaken.

Lumebet adicoro ingkang kaping Sekawan inggih puniko Wahosan do'a penutup,ingkang bade kaaturaken deneng panjenengan ipon Bpk.KH. Solikhin,Dumateng panjenengan ipon,wekdal soho sasono palenggahan kawulo aturaken.

Matur suwon kawulo aturaken.

Poro rawuh ingkang minulyo,acara demi acara sampon kalaksanaaken Kanti lancar, mugi-mugi mbekto manfaat tumrap Kito sedoyo Amin.

Lumebet adicoro ingkang pungkasan inggih puniko ramah tamah,kasuwon dumateng panjenengan sedoyo sabar sak antawis,ngrantos juru lagi,ngladosi panjengan sedanten.

Poro rawuh ingkang minulyo,Kulo angriki minongko pranono adicoro,mbok menawi anggen kawulo ngroce acoro meniko,wonten kurang langkung ipon ,utaminipon angen kawulo matur, kawulo namung saget nyuwon samudro pangarsami sak katah-katahipon.

Akhirul Kalam , assalamualaikum warahmatullahi wabarakatuh.